Drejtori i të ashtuquajturës Zyra për Kosovën në Qeverinë e Serbisë, Petar Petkoviq, ka thënë se kryeministri i Kosovës, Albin Kurti, po mundohet në “mënyra të ndryshme” që ta evitojë formimin e Asociacionit të Komunave me shumicë serbe.
Ndërsa sipas tij, presidenti i Serbisë, Aleksandar Vuçiq po insiston për këtë.
“Kurti po mundohet që në çdo mënyrë të evitojë obligimin e formimit të AKS-së. Ai e bën në mënyra të ndryshme. Presidenti Vuçiq po lufton dhe insiston për AKS-në, pasi është detyrim i Kosovës që ekziston tash e 10 vjet”, ka thënë Petkoviq për “TV Pink”, shkruan Danas.
Ndryshe, në Bruksel, tashmë ka filluar takimi i përbashkët në mes të të Shefit të Politikës së Jashtme të Bashkimit Evropian, Josep Borrell, dhe të dërguarit të BE-së për dialogun Kosovë-Serbi, Miroslav Lajçak, kryeministrit të Kosovës, Albin Kurti dhe presidentit të Serbisë, Aleksandër Vuçiq.