Kryeministri i Malit të Zi, Dritan Abazoviq gjatë të mërkurës së 1 marsit është takuar me homologun e tij kosovar, Albin Kurti.
Në kuadër të bisedimeve të fundit në Bruksel në mes të Kosovës dhe Serbisë, Abazoviq ripërsëriti qëndrimin se Mali i Zi vlerëson përpjekjet e fqinjëve dhe komunitetit ndërkombëtar dhe se mbështet një zgjidhje të përhershme për rajonin.
Abazoviq tha se në takim me Kurtin ka diskutuar për “lidhjen infrastrukturore, ide të reja dhe përmirësimin e cilësisë së jetesës”.
“Ne vazhdojmë të trashëgojmë marrëdhëniet tona fqinjësore”, ka shkruar kryeministri malazez në Facebook.