Ministri i Bujqësisë, Faton Peci i ka vizatuar fshatra në katër komunat veriore të Kosovës, nga ku ka diskutuar me qytetarë për nevojë që ata i akën lidhur me sektorin e Bujqësisë.
“Gjatë ditës së sotme vizituam fshatrat e Leposaviqit / Albanikut; Cerajën, Koshtovë e Vllahisë e Bistrisë, ku bashkëbiseduam me banorët rreth nevojave e angazhimeve të tyre lidhur me sektorin e bujqësisë”.
“Në fshatin Cerajë, takova Ahmetin dhe vëllezërit e tij me të cilët diskutuam rreth nevojës së rritjes së Fondit Blegtoral me theks të veçantë, tek bagëtitë e imta”, ka shkruar në Facebook ministri i Bujqësisë.
Sipas tij, Ministria e Bujqësisë do t’i ndaj 5 milionë euro për ngritjen e Fondit Blegtoral, nëpër mjet Programit për Zhvillim Rural – Grante 2023.
“Ndërsa në Bistricë, me banorët e këtij fshati e gjithashtu edhe me vëllezërit e heroinës e dëshmores Fatime Hetemit, Dritonin e Bashkimin biseduam rreth potencialit zhvillimor që ka kjo zonë e ky fshat më konkretisht”, ka shkruar ai.
“Shaqir Hetemi, është njëri nga banorët e Bistricës përfitues nga Programi për Zhvillim Rural – Grante 2022, në vlerë prej 90.970,00€. Edhe pse vizita sot nuk u realizua, rregullisht do të jemi në kontakt me Shaqirin dhe të gjithë përfituesit deri në finalizim të grantit me qëllim të të qënit dëshmitarë të ngritjes së kapaciteteve të fermave e agrobizneseve”, ka përfunduar ai.