Ish-këshilltari i Thaçit, Ismail Syla ka thënë se libri i autorit Veton Surroi “Këmbët e gjarprit” është zanafilla e sulmeve ndaj Drenicës.
Për këtë analisti, Ylli Hoxha ka reaguar duke thënë se deputetja e PDK-së, Ganimete Musliu është deputete dhe ka të drejtë të shprehë pakënaqësitë, në secilën formë që përzgjedh.
“Nuk është e drejtë të gjykohet mbi premisat e prejardhjes, nuk duhet të ndodh kjo, është fenomen i keq i Facebook-it, i cili denigron njerëzit”, ka thënë Hoxha.
Hoxha ka thënë se shpesh tallet edhe Ramiz Lladrovci sepse zgjedh vetë të degjenerojë gjuhën politike.
“Në momentin kur vetë figura publike bën hajgare, edhe publiku bën hajgare, me shumë mirësjellje i përgjigjet në mënyra multiplikative”, ka shtuar Hoxha në emisionin “Debat Plus“.
“E dënoj çdo gjuhë që është fyese ndaj kujtdo dhe mbi çdo lloj baze sepse nuk tolerohet, por është fenomen që nuk mund të kontrollohet”, ka potencuar analisti Ylli Hoxha.