Sekretari i Partisë Demokratike të Kosovës, Betim Gjoshi ka reaguar ndaj kryeministrit të Kosovës, Albin Kurtit, duke thënë se Kurti është duke i falur kriminelët serbë për çdo ditë.
Gjoshi për këtë akuzë që ka ndaj kryeministrit ka thënë se ka dëshmi dhe sipas tij janë lavdërimet që Kurti iu ka bërë Ivanoviqit dhe Gjinigjit.
“Përkujtimet me shumë dhimbje e lavdërime për Oliver Ivanoviqin dhe Zoran Gjingjiqin, janë dëshmi e qartë se Albin Kurti ka filluar ta zbatojë planin franko-gjerman për tejkalimin e së kaluarës”, ka shkruar ai.
“Çdo ditë, Albin Kurti po i falë krimet dhe kriminelët serbë”.
Më tej, sekretari i PDK-së ka ngritur alarmin që sipas tij Kurti është duke e sulmuar të vërtetën historike të Kosovës.
“Kjo është e rrezikshme për historinë shqiptare. Ky është sulm direkt mbi të vërtetën historike të kombit tonë”, ka përfunduar ai.