Shefi i GP-së së Partisë Demokratike të Kosovës, Abelard Tahiri, e ka kritikuar kryeministrin e Kosovës, duke thënë se ka sjellë marrëveshje të dëmshme për Kosovën.
Me theks të veçantë, Tahiri e ka përmendur nenin 7 të planit evropian, ku flitet për “vetëmenaxhimin”, i cili, sipas tij, i jep serbëve të Kosovës autonomi.
Sipas tij, ky nen është më i dëmshëm se vetë Asociacioni.
“Vetë institucionet e Kosovës në një formë po e kontestojnë shtetësinë tonë. Neni 7 po e etablon atë që do të ndërtohet e që ka me qenë autonomia e serbëve. Nuk është Asociacioni më çështje, është neni 7, është autonomia që ne e marrim si obligim ndërkombëtar”, ka thënë ai.