Ish-kryeministri i Kosovës, Avdullah Hoti, ka thënë se mjetet e investuara të Trustit Pensional “janë pa zot”.
“Trusti nuk ka Bord për t’i tërhequr mjetet nga tregjet dhe fondet që janë në rënie. Humbjet janë me miliona.
Nuk ua dhanë një pjesë të kursimeve qytetarëve, siç u kërkua me projekligjin e inicuar me peticion nga qytetarët”, ka shkruar Hoti.
Sipas Hotit, ato kursime po avullohen në tregje financiare pasi nuk ka kush t’i kthejë në Kosovë për t’i mbajtur si para të gatshme.
“Qeveri funksionale Kosova nuk ka. Por, nuk ka as president për t’u kujdesur që institucionet kushtetuese janë funksionale”, ka thënë ish-kryeministri i Kosovës.