Asociacioni i Gazetarëve të Kosovës, të premten e 24 marsit, ka njoftuar se gazetarët afganë që janë të strehuar në Kosovë që nga e hëna e 27 marsit, do të fillojnë punën e tyre në hapësirat e Radio Kosovës.
Përveç hapësirave, ata kanë në dispozicion për përdorim edhe mjetet e punës në këtë objekt.
“Për ofrimin e shfrytëzimit të hapësirave të transmetuesit publik, ishte zotuar drejtori Gjeneral, Shkumbin Ahmetxhekaj, qysh në prill të vitit të kaluar, kur në Kosovë ishte strehuar edhe gazetarja e parë ukrainase”, thuhet në njoftimin e AGK-së.
AGK-ja dhe ECPMF-ja kanë falënderuar gatishmërinë e udhëheqësisë së RTK-së, që t’u ndihmojë kolegëve afganë që të vazhdojnë të ushtrojnë profesionin e tyre.