Ministri i Mbrojtjes, Armend Mehaj ka njoftuar se gjatë të premtes së 24 marsit ka pritur në takim ambasadorin e Mbretërisë së Bashkuar në Kosovë, Nicholas Abbott.
Mehaj ka thënë se të jesh udhëheqës në një mjedis me shumë përgjegjësi kërkon qasje dhe mënyra të nivelit strategjik dhe vizion që ndryshon nga udhëheqja në mjedise të tjera.
“Të jesh udhëheqës në një mjedis me shumë përgjegjësi, në një institucion si Ministria e Mbrojtjes e në organizatë në rritje si Forca e Sigurisë së Kosovës, kërkon qasje dhe mënyra të nivelit strategjik, vizion që ndryshon nga udhëheqja në mjedise të tjera’, ka shkruar ministri Mehaj.
“Andaj, kisha nderin që sot bashkë me Ambasadorin e Mbretërisë së Bashkuar, Nicholas Abbott, të marr pjesë në ceremoninë e certifikimit të kursantëve në Programin e Lidershipit Strategjik, organizuar nga Ambasada Britaneze dhe ligjëruar nga profesori i Akademisë së Mbrojtjes të Mbretërisë së Bashkuar, Bryan Watters, si dhe Kapiten Donworth i Marinës Mbretërore”, ka shkruar tutje ministri i Mbrojtjes, Armend Mehaj.