Presidenti i Ukrainës, Volodymyr Zelensky, pritet ta vizitojë Poloninë të mërkurën e 5 prillit.
Zëdhënësi i presidentit polak, Andrzej Duda, përmes një postimi në Twitter, ka njoftuar se Zelensky do të takohet me qytetarët ukrainas në Kështjellën Mbretërore në Varshavë, të cilët kanë gjetur strehim në vendin fqinj.
Që nga nisja e luftës në shkurt të vitit të kaluar, Zelensky ka udhëtuar shumë rrallë jashtë vendit.
Varshava konsiderohet një aleat i rëndësishëm i Kievit në luftën kundër pushtimit rus dhe ofron strehim për shumë ukrainas që janë larguar.
Polonia ishte shteti i parë që në fillim të marsit që dërgoi tanket e para Leopard 2 në Ukrainë.
Në shkurt, Zelensky vizitori Londrën, Parisin dhe Brukselin. Udhëtimi i parë i tij ishte në dhjetor në Shtetet e Bashkuara të Amerikës. REL