Presidentja e Kosovës, Vjosa Osmani, ka udhëtuar drejt Panamasë, për vizitë zyrtare në këtë shtet, për të vazhduar pastaj vizitën në Kosta Rika.
Krahas takimit me homologun e saj, Laurentino Cortizo Cohen, Osmani do të zhvillojë takime edhe me institucione dhe organizata të tjera.
“Në këtë vizitë, Presidentja Osmani pritet të marrë pjesë në ceremoninë e zbulimit të shtatores së Nënë Terezës, si dhe në një Forum të përbashkët me ministren e punëve të Jashtme të Panamasë, Erika Mouynes”, thuhet në komunikatën e zyrës së presidentes.
Me t’u larguar nga Panamaja, Osmani do të vazhdojë vizitën drejt Kosta Rikës, ku do të marrë pjesë në inaugurimin e presidentit të ri të këtij shteti, Rodrigo Chaves.
Vizita e Osmanit është e para e një lideri të Kosovës në këtë shtet.
Në kuadër të kësaj vizite, Presidentja Osmani pritet të ketë edhe takime të tjera.
Kosta Rika sipas datës së njohjes, është ndër vendet e para që e ka njohur pavarësinë e Kosovës.
Ndryshe, presidentja e vendit, të martën e 26 prillit, kishte udhëtuar drejt Shteteve të Bashkuara të Amerikës, ku mori pjesë në ceremoninë mortore të ish-sekretares amerikane të Shtetit, Madeleine Albright.
Në kuadër të kësaj ceremonie, Osmani kishte zhvilluar disa takime.
Ajo kishte takuar liderin e shumicës parlamentare në Dhomën e Përfaqësuesve të Shteteve të Bashkuara të Amerikës, kongresistin Darrell Issa dhe bashkudhëheqësit e Komisionit për Siguri dhe Bashkëpunim në Evropë në Kongresin Amerikan.
Presidentja Osmani e ka falënderuar kongresistin Issa, duke thënë që është një zë i rëndësishëm në përkrahje të Kosovës, i cili, sipas saj, ka potencuar fushat e ndryshme të interesit të dyanshëm ku mund të rritet bashkëpunimi ndërmjet Kosovës dhe SHBA-ve.
Presidentja Osmani e kishte falënderuar kongresistin Issa, duke thënë që është një zë i rëndësishëm në përkrahje të Kosovës, i cili sipas saj, ka potencuar fushat e ndryshme të interesit të dyanshëm ku mund të rritet bashkëpunimi ndërmjet Kosovës dhe SHBA-ve.
Në takimet e Osmanit në SHBA, diskutohet për anëtarësimin e Kosovës në NATO