Policia e Kosovës ka kërkuar ndihmë nga qytetarët për të identifikuar një person të dyshuar.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi”, njofton Policia e Kosovës.
Policia njofton se ky i dyshuar kërkohet për përfshirje në një rast, lëndim trupor, që ka ndodhur të enjtën e 6 prillit, në sheshin “Nëna Terezë” në Prishtinë.
“Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192”, thuhet në njoftimin e Policisë.