Pas katër ditë sfiduese ka përfunduar gara Best Warrior Competition, në Ioëa të Shteteve të Bashkuara të Amerikës, ku pjesë e kësaj gare ishin dhe dy nënoficerët e FSK-së, Rreshter Astrit Gashi dhe Ushtar Specialist Sokol Hoxha.
Ministri i Mbrojtjes, Armend Mehaj, përmes një postimi në Facebook ka theksuar se në këtë garë u treguan rezultate të larta në 16 disiplinat si në “testim fizik, taktika luftarake lëvizja në formacione, vendosja e minave në zonë luftimi, operimi me mitraljer M240 ,M249B, M2.0 CAL, SIGSAUER M17 ,lëshimi nga kulla e repelimit, ndihma e parë në fushëbetejë, gjuajtje stresuese me M17 dhe M4, marshim me pesha në distanca të gjata”.
“Të gjitha këto sfida me sukses i kaluan nënoficerët e FSK-së, duke u radhitur ndër më të mirët e kësaj gare. Ushtari Specialist Sokol Hoxha është radhitur në vendin e tretë ndërsa Rreshter Astrit Gashi në vendin e pestë”, tha Mehaj.
Në këtë njoftim thuhet se suksesi i pjesëtarëve të FSK-së, disiplina, profesionalizmi dhe përkushtimi i treguar në të gjitha organizimet, garat e shkollimit si brenda dhe jashtë vendit, është një motiv i lartë dhe një tregues se FSK-ja po ecë me hapa të sigurt së bashku me partnerët strategjik drejt realizimit të qëllimit në integrimet euro-atlantike.