Deputeti i Lidhjes Demokratike të Kosovës, Armend Zemaj, pak para se të rifillojë seanca e kuvendit, e ka marrë kutinë në të cilën deputetët do të votonin për gjyqtarët e Gjykatës Kushtetuese.
Ndonëse gjysmë orë me vonesë, tashmë pritet që seanca në Kuvendin e Kosovës të vazhdojë.
Pas një arene përplasjesh midis pozitës dhe opozitës, dhe për shkak të mungesës së kuorumit pas vënies në votim të procedurave për votimin e dy kandidatëve për Gjykatë Kushtetuese, kryetari i Kuvendit Glauk Konjufca, është detyruar ta ndërpresë seancën përreth një orë.
Deputetët e opozitës, të enjten e pese majit, gjatë seancës plenare kanë filluar që me goditje të tavolinave, e fishkëllima të krijojnë zhurmë me qëllim që t’i pamundësojnë punimet e Kuvendit të Kosovës.
Krejt kjo si shenjë revolte.
Me goditje të tavolinës e fishkëllima, deputetët e opozitës po e bojkotojnë punën e kuvendit