Deputeti i Partisë Demokratike të Kosovës (PDK), Ferat Shala, ka reaguar në lidhje me emërimin e Përparim Kabashit si ushtrues detyre të kryeshefit ekzekutiv të KEK-ut.
Në seancën e jashtëzakonshme në Kuvend ku po diskutohet për zhvillimet e fundit në KEK, Shala ka thënë se i njëjti që është vendosur si ushtrues detyre akuzohet për vepra të ndryshme penale.
Ai ka akuzuar qeverinë, përkatësisht, ministren e ekonomisë Artane Rizvanolli dhe kryeministrin Albin Kurti, pasi sipas tij këta persona nuk kanë sjellë asgjë në KEK përpos shkatërrimit të korporatës energjetike.
“Personi në fjalë akuzohet për vepra të ndryshme penale. Këta persona nuk kane sjellë asgjë në KEK përpos shkatërrimin e korporatës energjetike dhe nuk kanë pasur guxim për të menaxhuar në mënyrë të duhur”, ka thënë Shala.