Dy vëllezër kosovarë janë arrestuar pasi janë përleshur fizikisht mes vete për një mosmarrëveshje pronësore.
Raporti 24-orësh i Policisë së Kosovës bën të ditur se ngjarja ka ndodhur orët e hershme të së mërkurës në Prizren.
“DHUNË NË FAMILJE/Prizren 02.05.2023 – 00:40. Janë arrestuar dy të dyshuarit meshkuj kosovarë (vëllezër), pasi të njëjtit si pasojë e një mosmarrëveshjeje pronësore, janë përleshur fizikisht në mes veti”, thuhet në raport.
Krahas kësaj, bëhet e ditur se me vendim të prokurorit, të dyshuarit janë dërguar në mbajtje.