Shefi i Zyrës së Bashkimit Evropian, ambasadori, Tomas Szunyog, në shënim të Ditës së Evropës së bashku me ministren e Ekonomisë, Artane Rizvanolli, e kanë përuruar Muralin e Energjisë së Mirë, pikturuar në murin anësor të ndërtesës së BE-së, raporton Ekonomia Online.
Me këtë rast, ai tha se Kosova dhe gjithë rajoni e kanë vendin në BE. Madje shtoi se po e mbështesin Kosovën që t’i përmbushë standardet e BE-së sa i përket energjisë së gjelbër.
“Jemi shumë të lumtur që së bashku me Qeverinë kemi finalizuar pakon e mbështetjes për energjinë. Por, jemi duke punuar edhe në projekte të tjera që ta ndihmojmë Kosovën në tranzicionin e gjelbër, që t’i arrijë qëllimet e ‘Green Deal’, por edhe që t’i përmbushë standardet e BE-së”, tha ai.
Kosova dhe gjithë rajoni, sipas tij, e kanë vendin në BE, derisa shtoi se Kosova, si dhe gjithë rajoni, shihen si shtete të ardhshme të BE-së.