Analisti Ylli Hoxha ka kërkuar dorëheqjen e ministres së Drejtësisë, Albulena Haxhiu.
“Dorëheqje, silleni një ministër, një ekip, i cili është profesionalisht tejet i ngritur, në të cilin, debati me Blerim Isufajn nuk do të ekzistonte sepse ambicia do të ishte më e lartë. Pra nuk kemi ambicie për ta sjellë një prokuror për qejfi të Albin Kurtit, duhet me sjellë një prokuror që kryen punë”, ka thënë Hoxha në “Debat Plus“.
Hoxha ka thënë se sistemi i drejtësisë duhet të jetë i pavarur, efikas dhe cilësor, dhe se duhet të bëhen reforma në Këshillin Prokurorial të Kosovës (KPK) dhe në Këshillin Gjyqësor të Kosovës (KGjK).
Ylli Hoxha është shprehur se kryeministri Kurti ka dhënë “shenja të qarta” se e ka qëllim ta kontrollojë sistemin e drejtësisë.
“Kjo nuk është reforma për të cilat i ka marrë votat Albin Kurti. Albin Kurti nuk është votuar nga qytetarët e Kosovës për ta kapur sistemin prokurorial, as gjyqësor, e asnjërin prej tyre”, ka theksuar Hoxha.