Dy iranianë kanë tentuar të hyjnë në Republikën e Kosovës, duke përdorur pasaporta të huaja, njëri, atë të Portugalisë, ndërsa tjetri, atë të Kanadasë.
Raporti 24-orësh i Policisë së Kosovës bën të ditur se rasti ka ndodhur mbrëmjen e së premtes. Të dyve u është shqiptuar gjobë.
“Gjatë kontrollit të dokumenteve në arritje, i dyshuari mashkull iranian ka prezantuar një pasaportë të Portugalisë që dyshohet se është keqpërdorur. I njëjti ka kërkuar azil në Kosovë. Pasaporta është konfiskuar dhe të dyshuarit i është shqiptuar gjobë. I dyshuari është identifikuar me pasaportën e Iranit”, thuhet në raport. Gjatë kontrollit të dokumenteve në arritje, i dyshuari mashkull iranian ka prezantuar një pasaportë të Kanadasë, që dyshohet se është keqpërdorur. I njëjti ka kërkuar azil në Kosovë. Pasaporta është konfiskuar dhe të dyshuarit i është shqiptuar gjobë. I dyshuari është identifikuar me pasaportën e Iranit.