Diamant Salihu – gazetari suedez me origjinë nga Kosova, është nominuar për çmimin “Wallenberg 2023”.
Në një postim nga ambasada suedeze, thuhet se ky çmim ndahet nga Akademia Raoul Wallenberg.
Wallenberg ishte arkitekt, diplomat dhe humanist suedez, i cili shpëtoi mijëra hebrenj në Hungari gjatë Holokaustit dhe fazave të mëvonshme të Luftës së Dytë Botërore.
Çmimi “Wallenberg” jepet për “individët, organizatat dhe komunitetet, guximi, vetëmohimi dhe suksesi i të cilëve kundër vështirësive të mëdha, personifikojnë vlerat për të cilat u shqua dhe luftoi Raoul Wallenberg”.
Ky çmim do të ndahet më 27 gusht 2023.