Situatën e tensionuar të krijuar të premten në veri të Kosvës po e cilëso si një teatër të madhë politik ish-kryediplomati shqiptar dhe historiani, Paskal Milo.
Sipas tij, veprimi i kryeministrit, Albin Kurti, për të vendosur katër kryetarët në zyrat e komuanve përkatëse, ishte tërësisht i pamatur ndonëse ishte i paralajmëruar nga ndërkombëtarët.
“Kurti ishte paralajmëruar nga ndërkombëtarët që kur u bënë zgjedhjet që të mos tentohej të futeshin me forcë në komuna. Duhet të tregoheshin më të matur, shpesh në politikën e Kosovës mungon maturia. U diskutua që krerët e rinj të mos shkonin në zyrat e tyre por diku tjetër ku të ushtronin detyrën e tyre. Pushteti i tyre do jetë i përkohshëm se situata nuk do lejohet dhe do shkohet në zgjedhje të tjera në këto komuna. Nëse serbët marrin pjesë në këto zgjedhje dihet si do jetë rezultatin. Në Veri është e përcaktuar, nëse marrin pjesë në zgjedhje, serbët kanë shumicën. Kjo gjë ishte paralajmëruar të mos ndodhte. Ndaj reagimi nga ndërkombëtarët është kaq i madh. E paralajmëruan Kurtin, është pamaturi nga ana e tij. Nuk mbrohet sovraniteti me një akt taktik”, ka thënë ish-kryediplomati shqiptar, Paskal Milo për “Euronews Albania”.