Kryeministri i Republikës së Kosovës, Albin Kurti dhe ministri për Komunitete dhe Kthim, Nenad Rashiq, pritet të marrin pjesë në vendosjen e gurthemelit të shtëpisë së një familjeje gorane.
Siç njofton Zyra e Kryeministrit, ngjarja do të zhvillohet në fshatin Muhoc të Ferizajt, nga ora 10:40.
“Kryeministri i Republikës së Kosovës, Albin Kurti, bashkë me ministrin për Komunitete dhe Kthim, Nenad Rashiq, merr pjesë në vendosjen e gur themelit të shtëpisë së familjes gorane përfituese e mbështetjes së Ministrisë për Komunitete dhe Kthim”, thuhet në njoftim.
Gjatë ditës, Kurti së bashku me ministrin e Mjedisit, Planifikimit Hapësinor dhe Infrastrukturës, Liburn Aliu, do ta vizitojnë rrugën e asfaltuar në hyrje të Dragashit.
Krahas kësaj, ata do të zhvillojnë takim me kryetarin e komunës, Bexhet Xheladini dhe zyrtarin komunal për komunitete dhe kthim, Uzair Hamza.