Britania e Madhe vendos sanksione të reja ndaj Bjellorusisë për rolin e saj në luftën në Ukrainë

Britania ka njoftuar për vendosjen e sanksioneve të reja ndaj Bjellorusisë për shkak të rolit të Minskut në ndihmën që i jep pushtimin rus të Ukrainës. Në sanksione përfshihen edhe ndalesa të importeve dhe masa të reja që synojnë të parandalojnë propagandën në internet

Flamuri i Mbretërisë së Bashkuar.

Qeveria e Mbretërisë së Bashkuar ka vendosur sanksione të reja ndaj Bjellorusisë, duke synuar eksportet dhe propagandën në internet, për shkak të mbështetjes së vazhdueshme të Minskut për pushtimin rus të Ukrainës.

Legjislacioni i vendosur në Dhomën e Komunave të enjten vuri në fuqi paketën e masave, të quajtur “Bjellorusia II”. Ato përfshijnë ndalimin e importit të arit, çimentos, drurit dhe gomës nga Bjellorusia, të cilat janë burime të ardhurash për regjimin.

Bjellorusia tashmë është sanksionuar nga BE-ja dhe Britania e Madhe për rolin e saj në ndihmën e përpjekjeve luftarake të Rusisë në Ukrainë , dhe këto i kanë dhënë një goditje të rëndësishme ekonomisë bjelloruse, thuhet në njoftimin e Qeverisë.

Bjellorusia, që udhëhiqet nga Alyaksandr Lukashenka që nga viti 1994, është aleatja më e palëkundur e Rusisë në mesin e ish-shteteve sovjetike dhe lejoi që të përdorej territori i saj që Kremlini të niste pushtimin e Ukrainës në shkurt të vitit 2022.

Muajin e kaluar, Rusia vendosi që të dislokonte armët bërthamore taktike në territorin bjellorus.

“Kjo paketë e re e sanksioneve rrit presionin ekonomik ndaj Lukashenkës dhe regjimit të tij, i cili në mënyrë aktive mbështet përpjekjet e luftës së Rusisë dhe injoron integritetin territorial të Ukrainës”, ka thënë sekretari britanik i Jashtëm, James Cleverly.

Megjithatë, dallimet midis sanksioneve të vendosura ndaj Moskës dhe atyre kundër Minskut kanë lejuar që një pjesë e tregtisë të vazhdojë me Rusinë nëpërmjet Bjellorusisë .

Sanksionet e vendosura të enjten synojnë të mbyllin disa nga ato zbrazëtira duke përafruar më nga afër sanksionet kundër dy vendeve, duke përfshirë futjen e kufizimeve të mëtejshme në aksesin e Bjellorusisë në tregjet financiare të Mbretërisë së Bashkuar.

Ai pasoi vendosjen e një raundi fillestar sanksionesh nga Britania e Madhe kundër regjimit të presidentit  Lukashenko në shkurt të vitit të kaluar, menjëherë pas pushtimit të plotë të Rusisë.

Një valë shtesë sanksionesh e futur korrikun e kaluar, me vlerë rreth 60 milionë paund për regjimin Bjellorusi, ndaloi eksportin e mallrave të rafinimit të naftës, komponentëve të teknologjisë së avancuar dhe mallrave luksoze nga MB në Bjellorusi dhe bllokoi importet në MB të hekurit dhe çelikut bjellorus.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika