Ish-deputeti i Kuvendit të Kosovës, Ilir Deda, ka vlerësuar se Kosova pa të drejtë është në konfrontim skandaloz, “shkurtpamës dhe të dëmshëm me garantuesit e sigurisë dhe shtetësisë së vet.
“Por tash, Kosova – pa të drejtë – është në konfrontim skandaloz, shkurtpamës dhe jashtëzakonisht të dëmshëm e me pasoja afatgjata, me garantuesit e sigurisë dhe shtetësisë së vet, pa të cilët nuk do të krijohej shteti i Kosovës”, ka shkruar Deda.
Tutje ai ka shkruar se është hera e fundit që në establishmentin e Shteteve të Bashkuara janë njerëzit që e dijnë jashtëzakonisht mirë kontekstin e shkatërrimit të ish-Jugosllavisë, duke qenë direkt të përfshirë në të gjitha proceset e vendosjes së paqes.
Deda ka kujtuar se Kosova me të drejtë ka kundërshtuar prishjen e raporteve me aleatët perëndimor gjatë tentimit të zhbërjes së Gjykatës Speciale.
“Në këtë përplasjen [për] e [kundër], po harrohet që është hera e fundit që në establishmentin e Shteteve të Bashkuara janë njerëzit që e dijnë jashtëzakonisht mirë kontekstin e shkatërrimit të ish Jugosllavisë, duke qenë direkt të përfshirë në të gjitha proceset e vendosjes së paqes.Brezat e ardhshëm – demokratë apo republikan – nuk do të kenë fare ndjesi për kontekstin e luftërave në ish-Jugosllavi.Kosova, me të drejtë, kundërshtoi projektin e ndarjes se vet, që përkrahej nga administrata republikane”, ka shkruar ai.