Ministri i Punëve të Brendshme, Xhelal Sveçla ka thënë se tashmë i arrestuari, Milun Milenkovic, i njohur me nofkën “Llune”, nuk është një figurë e re e sulmeve kriminale.
Me anë të një postimi në Twitter, Sveçla ka thënë se në të kaluarën, “Llune” kishte sulmuar edhe pjestarë të forcave ndërkombëtare.
“Milun Milenkovic-Llune nuk është i ri në sulmet kriminale. Ai jo vetëm që ka sulmuar pjestarë të KFOR-it në Zveqan së fundmi por gjithashtu, sipas autoriteteve gjyqësore dhe të sigurisë, në të kaluarën ai ka sulmuar pjesëtarët e forcave ndërkombëtare”, ka shkruar Sveçla.
Milun Milenkovic-Llune is not new to criminal attacks. Not only he has attacked KFOR in Zveqan recently, but also according to juidicial & security authorities, in the past he has assaulted members of intl. forces. These criminals & their acts should be condemned by all.
— Xhelal Sveçla (@XSvecla) June 13, 2023
Tutje, Ministri Sveçla ka deklaruar se kriminelë të tillë duhet të dënohen nga të gjithë.
Ministri i Punëve të Brendshme, Xhelal Sveçla, ka njoftuar më herët të marten se Policia e Kosovës ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët, kanë sulmuar pjesëtarët e Policisë së Kosovës dhe institucionet e Republikës së Kosovës.