Kryetari i Aleancës për Ardhmërinë e Kosovës, Ramush Haradinaj, ka vlerësuar se shkarkimi i kryeministrit të Kosovës, Albin Kurti, është urgjencë kombëtare.
Në një postim në Facebook, Haradinaj i ka renditur disa arsye të cilat sipas tij do të duheshin të merreshin për bazë në mënyrë që kreu i ekzekutivit të shkarkohet.
“I zbuluar dhe i kapun në mashtrim. I humbur në qeverisje dhe i pashpresë për ekonomi, arsim e shëndetësi, i zhytur në korrupsion dhe i kapun në hajni, i pabesueshëm për aleatët euroatlantikë, i kapun në pabesi dhe i dënuar prej tyre, Kurti po kërkon shpëtim te kriminelët në veri”.
“S’e shpëtojnë as ata, s’e ka drejtësi për të gjithë dhe ka për të pasur për popullin e shumëvuajtur të Kosovës edhe nga e keqja Kurti. Prandaj shkarkimi i Kryeministrit dhe Qeverisë, është urgjencë kombëtare”, shkroi ai.