Ambasadori i Gjermanisë në Kosovë, Jorn Rohde, i ka mohuar pretendimet e disa mediave se rreth 200 kompani gjermane do të largohen nga Kosova.
Ai i kritikoi mediat që kanë raportuar kështu, duke bërë të ditur se as Oda Ekonomike e Kosovës dhe as Ambasada e Gjermanisë nuk janë kontaktuar për këtë gjë.
Sipas tij, kompanitë gjermane janë të shqetësuara nga zhvillimet e fundit në veri, por që nuk kanë marrë asnjë veprim për t’u larguar.
“Raportimet e mediave për largimin e 200 kompanive të Gjermanisë nga Kosova janë krejtësisht të gabuara. Mosrespektimi i standardeve të gazetarisë: As Oda Ekonomike dhe as Ambasada e Gjermanisë nuk janë pyetur nëse kjo është e vërtetë. Çfarë është e vërtetë: Kompanitë janë të shqetësuara rreth zhvillimeve të fundit”, ka shkruar Rohde.
Media reports about 200 🇩🇪 companies leaving 🇽🇰 are totally wrong. Disrespect of journalistic standards: Neither 🇩🇪-🇽🇰 Business Association nor 🇩🇪 Embassy was asked if this is true. What is true: Companies are concerned about current developments, as stated here ⬇️ https://t.co/6sSiCqYUg6
— Ambassador Jörn Rohde (@GermanAmbKOS) June 21, 2023