Ish-presidenti i Kosovës, Bexhet Pacolli ka nisur një iniciativë për t’i dalë në ndihme sa do pakë familjes Ademaj nga Peja e cila humbi një fëmijë dhe një grua nga vërshimet në Pejë.
Pacolli u ka bërë thirrje politikanëve, biznesmenëve që nëpërmjet fondi “GoFundMe” t’i dalin në ndihme familjes e cila pati humbje jetësh nga kjo fatkeqësi.
“Sapo kam hapur një GoFundMe për të ndihmuar së bashku edhe financiarisht sadopak familjen Ademaj”, ka shkruar ish-presidenti Pacolli.
“U bëj thirrje politikanëve, biznesmenëve dhe të gjithëve me zemër dhe mundësi për të kontribuar. Çdo euro do të thotë shumë për familjen. Zoti ju shpërbleftë!”, ka përfunduar ai.