Drejtori i Policisë së Kosovës për rajonin e Gjakovës, Lumni Graishta, për RTV Dukagjinin ka thënë se dyshimet e para të policisë së Kosovës janë se vrasja mund të ketë ndodhur për një çështje pronësore.
“Nuk ka ndonjë zhvillim tjetër përveçasj që u prononcova më herët. Gjyqtari i procedurës parapake, kryeprokurori edhe i gjithë stafi komandues së bashku me hetimet rajonale janë në vendin e ngjarjes”, ka thënë Graishta.
Sipas tij, ky rast është duke u “trajtuar me prioritet dhe seriozitetin me të madhe të mundshme por nuk kemi diçka ma shumë”.
Rasti dyshohet se ka ndodhur në fshatin Madanaj të Gjakovës.
A është identifikuar dorasi i kësaj vrasje të dyfishtë?
“Një prej pistave të hetimit është një çështje pronësore të cilin ne konsiderojmë se kemi identifikuar një të dyshuar, por nuk është arrestuar ende. Me gjithëatë kjo mbetet një prej pistave të hetimit”, ka thënë ai për RTV Dukagjinin.
Graishta ka përfunduar duke thënë se këto janë vetëm dyshime fillestare të hetimeve.
Vrasje e dyfishtë në Gjakovë, viktimat janë vëllezër
Në Gjakovë ka ndodhur një vrasje e dyfishtë mbrëmjen e së dieles së 25 qershorit.
Lumni Graishta drejtori i Policisë së Kosovës për rajonin e Gjakovës e ka konfirmuar për RTV Dukagjinin se dy vëllezër janë varë në Gjakovë nga personat të pa identifikuar deri me tani.
Më tej Graishta ka thënë se Policia e Kosovës është duke i ndërmarrë të gjithë hapat për ta zbuluar këtë krim.