Policia e Kosovës ka asistuar Interpol-in në arrestimin e dy personave të kërkuar me urdhërarrest ndërkombëtar.
Siç ka mësuar RTV Dukagjini, urdhërarresti për këta persona ishte lëshuar nga autoritetet italiane.
Zëdhënësi i Policisë, Baki Kelani, e ka konfirmuar se aksioni policor u krye me sukses në bashkëpunim me Interpol-in.
Ai ka thënë se dy persona të dyshuar, të cilët ishin kosovarë, u arrestuan në qytetet e Malishevës dhe Istogut.
“Policia e Kosovës, përmes Drejtorisë për Bashkëpunim Ndërkombëtar në Fushën e Zbatimit të Ligjit (ILECU), ka realizuar një operacion policor në Istog dhe Malishevë, ku janë arrestuar dy persona meshkuj kosovarë”, ka thënë zëdhënësi Kelani.
Detajet rreth akuzave të të dy personave të arrestuar nuk janë bërë të ditura.