Ish-kryetari i komisionit për demarkacionin me Malin e Zi, Shpejtim Bulliqi, është shprehur se nuk është që nuk pritej qëndrimi i kryeministrit të Malit të Zi, Driton Abazoviq, për çështjen e demarkacionit, i cili kishte thënë se nuk e ka në plan rishikimin e tij.
Sipas Bulliqit, ky qëndrim arsyetohet për shkak të pozicioni që mbanë ai. Por, Bulliqi ka thënë se duhet të rishikohet procesi i demarkacionit i cili e ka sjelle situatën këtu.
Bulliqi ka folur për gjetjet e komisionit shtetërorë për demarkacioni të cilin e kishte udhëhequr ky i fundit.
“800 faqe materialë dokumentojnë se kjo vijë kufitare nuk ka qenë komfort vijes administrative të kufirit të mëparshëm të cilin e ka pasur Kosova me Malin e Zi”, ka thënë Bulliqi në emisionin Debat Plus.
Ai ka folur edhe për ratifikimin e demarkacionit nga Kuvendi e Republikës së Kosovës ku sipas tij marrëveshja e nënshkruar në mes të presidentit të Kosovës dhe kryeministrit të Malit të Zi ishte ajo që e zhbllokojë këtë proces dhe shtuar faktin se sipas tij ishte edhe premtimi për liberalizimin të vizave dhe po ashtu rishikimi i gabimeve eventuale.
“Dokumenti i komisionit që kam udhëhequr unë edhe ai komisionit të mëparshëm, janë dy dokument diametralisht të kundërta njëra me tjetrën. Është arritur të futet në një pako e cila mendoj se i ka qitur në lajthitje deputetet e Parlamentit të Kosovës, edhe faktikisht është ratifikuar kjo pako”, ka shtuar ai.
Për t’u ratifikuar marrëveshja e demarkacionit me Malin e Zi është dashur që presidenti i atëhershm i Kosovës, Hashim Thaçi dhe e Kryeministri i Malit të Zi të nënshkruajnë një marrëveshje ku zotohen palët se do t’i rishikojnë gabimet eventuale nga komisionet e demarkimit në mes të dy vendeve.