Presidentja e vendit, Vjosa Osmani dhe kryeministri i Kosovës, Albin Kurti, do të presin në takim kryeministrin e Holandës, Mark Rutte, si dhe kryeministrin e Luksemburgut, Xavier Bettel.
Temë diskutimi do të jetë situata në Kosovë, dialogu dhe zhvillimet e fundit.
Të dy kryeministrat pritet të arrijnë në Aeroportin ndërkombëtar të Prishtinës në orën 07:55.
Fillimisht, presidentja Osmani do t’i presë në takim të dy kryeministrat në ora 08:30.
Mediat mund të marrin pamje në fillim të takimit.
Ndërkaq, në ora 09:15-9:20, kryeministri Kurti do t’i përshëndesë të dy kryeministrat para ndërtesës së Qeverisë.
Agjenda do të vazhdojë në ora 09:20 me takimin e Kurtit me kryeministrin Rutte dhe Bettel.
Konferenca e përbashkët e kryeministrave do të mbahet në ora 10:05.