Policia e Kosovës, ka inicuar rast për një pronare të një barnatore në Prizren, nën dyshimin për kontrabandim të barnave të ndryshme medicinale dhe për shmangie nga tatimi.
Në njoftim thuhet se pronarja nuk ka ofruar dëshmi për origjinën e 280 paketimeve të barnave të cilat policia I ka sekuestruar.
“Bazuar në këto informata, janë kryer veprime hetimore, kurse sot, më 05.07.2023, së bashku me Inspektoratin Farmaceutik është kryer edhe inspektimi në ketë barnatore. Gjatë inspektimit farmacistja C.Y. (viti i lindjes 1991, femër kosovare), e cila njëkohësisht është edhe pronare e barnatores, nuk ka ofruar dëshmi për origjinën e një sasise të konsiderueshme të barnave, të cilat barna medicinale janë sekuestruar nga Inspektorati Farmaceutik. Sasia e barnave medicinale të sekuestruara është gjithsejte 280 paketime të barnave të ndryshme medicinale, me origjinë nga Serbia, Shqipëria dhe Turqia, në vlerë prej 3200 (tre mijë e dyqind) euro”, thuhet në njoftim.
Me rekomandim të prokurorit, rasti është duke u hetuar dhe vazhdon në procedurë të rregullt.
