Policia e Kosovës ka dhënë detaje lidhur me rastin e djeshëm në Gjilan, ku si pasojë e djegies së banesës, ka humbur jetën një 50-vjeçar.
“Është raportuar se një banesë është përfshirë nga zjarri. Në vendin e ngjarjes janë angazhuar njësitet policore, si dhe zjarrfikësit të cilët kanë bërë evakuimin e njerëzve nga ndërtesa, ndërsa në banesën ku ishte shkaktuar zjarri për një kohë nuk ka qenë e mundur të depërtohet për shkak të tymit dhe zjarrit. Pas lokalizimit të zjarrit, në banesë është gjetur pa shenja jete viktima mashkull, pronar i banesës, vdekjen e të cilit e ka konstatuar ekipi mjekësor”, njofton Policia.
Në njoftimin e PK-së thuhet se në vendin e ngjarjes kanë dalë në terren prokurori kujdestar, njësia e hetimeve rajonale, inspektorët për hetimin e zjarrit, si dhe njësia e KEDS.
“Me urdhër të prokurorit trupi i pajetë i viktimës është dërguar në IML për obduksion”, thuhet tutje në raportin 24-orësh të Policisë.