Orët e hershme të mëngjesit, i gjetën të zgjuar këta efektiv që i përkasin njësisë më elite të Policisë së Kosovës.
Ata po futen në këtë mjet të blinduar policorë, por nuk do të zëvendësohen nga policë të tjerë të kësaj kategorie.
E gjithë kjo ngjarje po zhvillohet në objektin e komunës së Zvecanit, ndërsa është pasojë e një ujdie mes Besnik Bislimit dhe Mirosalv Lajcakut, për reduktimin e forcave policore në veri.
Tërheqja e Njësisë Elitare të Policisë së Kosovës po ndodhë pas një muaji e gjysmë angazhim në komunat veriore të Kosovës.
Ngjarja e njëjtë ndodhi edhe në komunën e Zubin Potokut.
Edhe nga këtu, operativët e Njësisë Speciale Intervenuese u larguan nga objekti i komunës.
Por, njëjtë nuk është verpruar edhe në Leposavic aty ku kryetari Lulzim Hetemi po vazhdon të qëndroj brenda komunës tash e gjashtë javë.
Ndërkohë, pavarësisht që dakordimi u bë të martën në Bratisllavë, sipas zëvëndësdrejtorit të Policisë në Mitrovicën e veriut, Veton Elshani ekzekutimi i vendimit ka filluar pas pranimit të vendimit të Qeverisë.
“Pas pranimit të vendimit të qeveris nga ana e Menagjmentit të Policisë, i njëjti është dërgu në teren për egzekutim. Vendimi i Qeveris së Kosovës ka filluar të implementohet”, ka thënë ai.
Ndërsa, sipas njohësve të rrethanave të sigurisë kjo situatë shihet në dy kënvështrime.
“Në apektin politik i ndihmon depërshkallëzimit të situatës dhe është e mirëseardhur por nëse i marrim për bazë zotimet e Qeverisë së Kosovës duke marr vendime dhe duke u zotuar njëanshëm pra, tërheqja prej 25% dhe vlerësimi për tërheqjen edhe me tej të policisë i bije që Qeveria po tërhiqet 100 % nga zotimet e veta”, ka deklaruar Valdet Hoxha – Njohës i sigurisë.
Gjatë tensioneve në veri Njësia Speciale Intervenuese ka rënë në sy, pas një operacioni të shpejtë në veri, kur e arrestuan të dyshuarin kryesore për sulm ndaj KFOR-it në Zvecan, serbin Milun Milenkovic të njohur si Llune.
Njëjtë edhe në aksionin për arrestimin e të dyshuarit tjetër për sulm ndaj KFOR-it me datë 29 maj, serbin të njohur me nofkën “Rusi”.