Tre persona kanë mbetur të lënduar në një aksident në Xerxë të Rahovecit, të shtunën (sot) rreth orës 19:05.
Këtë e ka bërë të ditur zëdhënësi i policisë për rajonin e Gjakovës, Sheremet Elezaj.
“Rreth orës 19:05 është raportuar aksident trafiku në fshatin Xerxë-Rahovec. Policia ju ka përgjigjur rastit, ku të përfshirë kanë qenë dy vetura dhe një traktor. Për pasojë, përveç dëmeve të konsiderueshme materiale, lëndime kanë pësuar tre persona. Rastin është duke e trajtuar Njësia Rajonale e Komunikacionit Rrugor”, ka njoftuar për Dukagjinin Elezaj.