Sabrie Grainca nga Departamenti i Diasporës në kuadër të Ministrisë së Punëve të Jashtme dhe Diasporës, e ftuar në emisionin “Rreth e Rrotull”, në RTV Dukagjini,ka folur përplatformën “Shijo Kosovën”, e cila i dedikohet diasporës.
Ajo tregon që me këtë platformë kanë filluar vitin e kaluar, po vazhdojnë këtë vit, dhe se mendojnë të vazhdojnë edhe viteve të tjera.
“Ka filluar vitin e kaluar si një nismë dhe ka rezultuar me sukses pastaj po vazhdon edhe sivjet edhe besoj që do të vazhdojmë edhe vitet e tjera”, ka thënë Grainca.
Sipas Graincës qëllimi i këtij programi është të fuqizoj lidhjen mes mërgatës dhe Kosovës, lidhje për të cilën po punojnë vazhdimisht.
Grainca tregon se çfarë do të përmbajë platforma dhe thekson rubrikat që përmban ajo.
“Rubrika ‘Bashkatdhetarët dhe institucionet’, mërgata do të këtë mundësi ti takojë përfaqësuesit e institucioneve, të shprehin shqetësimet e tyre, të parashtrojnë kërkesa si dhe të kritikojnë në mënyrë që të punojmë më shumë për ta.
Rubrika ‘Aktivitete sportive dhe natyrore’, që ngërthen në vete përveç aktiviteteve sportive si futboll, e volejboll ka edhe eskurzione. Prandaj kemi kampet verore dhe dimërore, të cilat kanë për qëllim të ofrojnë të rinjët e diasporës me moshatarët e tyre në Kosovë.
Rubrika ‘Ngjarjet kulturore’, tash e dimë që është vera dhe për bashkatëdhetarët organizohen koncerte e festivale të ndryshme. Aty do ti kenë të gjitha informatat.
Rubrika ‘Konsultimet publike’, do të kemi konsultime për dokumente të ndryshme, që do të bëhen sikurse është strategjia që po punohet për diasporën”, ka treguar Grainca.
Ajo tregon se të gjitha këto aktivitete do të organizohen me OJQ-të dhe më komunat e Republikës së Kosovës.
Së fundi për mirëpritjen e bashkatdhetarëve, Kuvendi i Kosovës ka hapur dyert dje dhe sot. Për vizitë e konsultime me bashkatdhëtarët, po ashtu LDK dhe PDK, kanë njoftuar se kanë hapur dyert e selive qendrore.