Raundi i parë për zgjedhjen e presidentit të ri në Shqipëri nuk është realizuar, në mungesë të kandidaturave.
15 maji ishte afati i fundit i raundit të parë për dorëzimin e emrave në kryesi.
Ndërkaq, pavarësisht se nuk ka emër, raundi i parë i votimit do të zhvillohet të hënën e 16 majit në orën 17:00.
Kreu i grupit parlamentar të Partisë Socialiste, Taulant Balla, pas takimit me Mesila Dodën dhe Fatmir Mediun të premten, pas takimit që zhvilloi me krerët e dy Grupeve të tjera Parlamentare, ka deklaruar se janë bërë hapa para për sa u përket emrave konkretë për presidentin e ri.
“Disponibiliteti është për t’i dhënë një president të të gjithë shqiptarëve, por ka disa afate, nuk kemi më mundësi të shtyjmë afatet. Më 16 është afati i parë, ndërsa afati i fundit është data 23 maj”, është shprehur ai.
Ndërkaq, kryetari i Grupit Parlament të Partisë Demokratike, Enkelejd Alibeaj, në një komunikatë për media kishte dkelaruar se kanë propozuar kritere për zgjedhjen e presidentit të ri.
“Përcolla qëndrimin e Partisë Demokratike te grupet e tjera. Kemi rënë dakord që jo vetëm të marrim pjesë, por të jemi për një proces real, të sinqertë. Presidenti duhet të jetë neutral, t’u qëndrojë sfidave”, ka thënë Alibeaj.
Ai ka theksuar se procesi i zbatuar në procedurë është garancia e parë.
Më 16 maj do të shkojnë propozimet për Presidentin e ri të Shqipërisë