Kryeministri i Kosovës, Albin Kurti, ka njoftuar nëpërmjet një postimi në Facebook se ka marrë pjesë në përurimin e një rruge, e cila do ta mbajë emrin e Mandelës së Ballkanit, Adem Demaçit.
“Rrugëve të Kosovës që mbajnë emrin “Adem Demaçi”, iu shtua sot edhe një rrugë në komunën e Çairit në Maqedoni të Veriut”, ka shkruar Kurti në Facebook.
Kurti ka thënë se është mirëpritur shumë mirë nga qytetarët e Çairit dhe i ka falënderuar për ftesën.
“Ju faleminderit për ftesën në ceremoninë e emërtimit, mikëpritjen e ngrohtë, dhe urime banorëve të Çairit dhe shqiptarëve të Maqedonisë së Veriut”, ka përfunduar Kurti.