Pikëkalimet kufitare me shtetin e Serbisë vazhdojnë të jenë të ngarkuara, pas përdorimit të tyre nga shumica e bashkatdhetarëve për të hyrë dhe për të dalë nga Kosova.
Sipas raportit të Qendrës Kombëtare për Menaxhim Kufitar, pritjet për të hyrë në Kosovë, në Merdarë janë tri orë, kurse për të dalë pritjet janë gjashtë orë.
Kolona në Merdarë për të dalë jashtë Kosovës është 1.2 kilometra, kurse për të hyrë 900 metra.
Në pikëkalimet e tjera kufitare ka fluks më të vogël, diku nuk ka pritje më shumë se 5 minuta.
Në Jarinjë ka 1 orë pritje në dalje nga Kosova, kurse për të hyrë 20 minuta.
