Ambasadori amerikan në Kosovë, Jeff Hovenier, këtë të hënë është takuar me ministrin e Kulturës, Hajrulla Çeku.
Ai ka thënë se gjatë këtij takimi është diskutuar për një sërë temash të fokusuara në trashëgiminë kulturore.
Sipas tij, kjo tregon thellim të raporteve të forta që ka Kosova me Amerikën.
“Kënaqësi të bisedoja sot me ministrin e Kulturës, Hajrulla Çeku, në një sërë nismash të vazhdueshme, të fokusuara në trashëgiminë kulturore, muzikën, sportin dhe artin e Kosovës. Të gjitha këto thellojnë lidhjet e forta që kemi ndërtuar së bashku mes amerikanëve dhe kosovarëve nga të gjitha sferat e jetës”, shkroi ai.
Enjoyed the conversation today with Minister of Culture @HCeku on a range of ongoing initiatives focused on 🇽🇰’s cultural heritage, music, sport, and art. All of these activities deepen the strong ties we’ve built together between Americans and Kosovans from all walks of life. pic.twitter.com/WpzG7cCKv9
— Ambassador Jeff Hovenier (@USAmbKosovo) August 14, 2023
Ndryshe, Hovenier këtë të hënë është takuar edhe me ministrin për Komunitete dhe Kthim në Qeverinë Kurti, Nenad Rashiq.
Ai tregoi se i vlerëson përpjekjet e Rashiqit dhe të ekipit të tij për çështjen e kthimi të serbëve që duan të kthehen.
Sipas tij, çështja e kthimit “mbetet një prioritet i lartë për Shtetet e Bashkuara dhe partnerëve tanë”.
“Takim i mirë me Ministrin për Komunitete dhe Kthim, Rashiq. I vlerësojmë përpjekjet e ministrit dhe ekipit të tij për të përkrahur të gjithë ata që cilët duan ta shfrytëzojnë të drejtën e tyre për kthim në kushte të dinjitetshme dhe të sigurta”, shkroi Hovenier në Twitter.