Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës,të hënën ka informuar se nga 486 teste kanë rezultuar shtatë raste pozitive.
Gjatë 24 orëve të fundit, nuk është shënuar asnjë rast i vdekjes.
Të hënën janë shëruar 25 qytetarë, derisa numri i përgjithshëm i të shëruarve është 224 mijë e 792.
Në total numri i rasteve aktive është 328.
Në 24 orët e fundit janë dhënë 20 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë një milion e 827 mijë e 827 doza të vaksinës.
Deri më sot 822 mijë e 583 qytetarë janë vaksinuar me dozën e dytë.
Ndërsa, doza përforcuese dhe doza të treta të vaksinës kundër COVID-19, deri më sot janë dhënë 102 mijë e 349.
