Njohësi i ekonomisë, Safet Gërxhaliu, në emisionin “FIVE” në RTV Dukagjini, ka thënë se Kosova po ballafaqohet me dy situata kontradiktore.
“Në njërën anë kemi deklarata të institucioneve vendore të cilat lajmrojnë rritje të të hyrave, rritje të qëndrueshmërisë ekonomike dhe performancë pozitive. Në anën tjetër po e shihni që inflacioni dhe pasojat e inflacionit kanë bërë të vetën, që jeta në Kosvë të jetë çdo ditë më e shtrenjtë”, ka thënë Gërxhaliu.
Gërxhaliu ka thënë se ka vite që kemi stagnim në rritjen e pagave dhe se pagat aktuale janë shqetësuese.
“Në tri kategori ke paga 190 euro, ke paga 230 deri në 250 euro, ke paga 340 euro. Është shqetësimi më i madh që e tensionon këtë situatë të pasigurisë edhe në aspektin social. Prandaj, vërtetë është një situatë që kërkon dialog, kërkon partneritet”, ka thënë ai, duke kërkuar që jo gjithmonë politika të jetë dominante në agjendat ditore në Kosovë.