Kryeministri i Malit të Zi, Dritan Abazovic, dyshohet se është sulmuar në një diskotekë në Budva.
Sipas mediumit malazez, “CdM”, Abazoviq është evakuuar mbrëmë nga “Top Hill” dhe policia në mënyrë jozyrtare i ka thënë këtij mediumi se ai nuk është sulmuar, por se ka pasur një konflikt mes disa personave dhe se në atë moment pranë tyre ka kaluar Abazoviq.
Ndërkaq, mediumi serb “Kurir”, të cilët duke cituar burime të tyre, kanë bërë me dije së sulmi ka ndodhur gjatë performancës së artistit, Dino Merlin, në një diskotekë që ndodhet në Toplisht të Budvës.
“Dritani ishte në shfaqjen e Merlinit, kur një nga vizitorët tentoi t’i afrohej dhe ta sulmonte. Ai ka shqiptuar një breshëri ofendimesh e më pas ka tentuar t’i afrohet”, ka thënë burimi i “Kurir”. Sipas mediumit serb, sigurimi ka ndërhyrë menjëherë dhe se kryeministri Abazoviq nuk ka pësuar ndonjë lëndim fizik.