Në orët e vona të mbrëmjes të së martës është sulmuar njohësi i çështjeve të sigurisë Drizan Shala.
Këtë e ka bërë të ditur vetë Shala përmes një postimi në faqen e tij zyrtare në Facebook, duke theksuar se ka pësuar vetëm dëme materiale.
“Në orët e vona të mbrëmjes kam qenë cak i një sulmi nga persona të paidentifikuar në komunën e Suharrekës ku patem vetem deme materiale.Ku duhet komplimentuar puna e policëve të stacionit policor, të cilët kanë vepruar me profesionalizëm të lartë duke ndërmarrë të gjitha veprimet operative, ku tani me hetimet janë në vijim e sipër dhe më intenzitet të lartë dhe pres që sa me parë personat të dyshuar të vihen para drejtësisë”, ka shkruar Shala.
Në lidhje me këtë ka reaguar edhe Asociacioni i Kriminologëve, Kriminalistikës dhe Viktimologjisë, ku kanë shkruar se e denojnë këtë akt dhe kërkojnë nga organet e përgjegjëse që personat që kanë kryer këtë sulm të sillen para drejtësisë.