Të premten në Forumin Grimaldi në Monako u hodh shorti i UEFA-s për fazën e grupeve të Ligës së Evropës 2023/24, ku 32 skuadra do të përballen me njëra-tjetrën në grupe me nga katër si zakonisht.
Real Betis dhe Villarreal janë klubet spanjolle që do të kërkojnë të marrin stafetën nga Sevilla, kampione e edicionit të fundit për të 7-tën herë në historinë e tyre.
Shorti përfshiu 32 skuadra – 12 kualifikuese automatike, dhjetë fitues të “play-off”-it të Ligës së Evropës dhe dhjetë skuadra që transferohen nga raundi i tretë i Ligës së Kampionëve.
Grupet:
Grupi A: West Ham; Olympiacos; Freiburg; Backa Topala;
Grupi B: Ajax; Marseille; Brighton; AEK;
Grupi C: Rangers; Real Betis; Sparta Praga; Aris Limmasol;
Grupi D: Atalanta; Sporting Lisbona; Sturm Graz; Rakow;
Grupi E: Liverpool; Lask; Union St; Toulouse;
Grupi F: Villarreal; Rennes; Maccabi Haifa; Panathinaikos;
Grupi G: AS Roma; Slavia Praga; Sheriff; Servette;
Grupi H: Bayer Leverkusen; Qarabag; Molde; Hacken;
Pritet një edicion veçanërisht konkurrues, me lojtarë të rregullt të Champions League si Liverpool, Ajax dhe Roma e Jose Mourinhos, finalistët e sezonit të kaluar dhe të përforcuar nga Romelu Lukaku.
Bayer Leverkusen, Atalanta, West Ham, Sporting CP, Olympique Marseille dhe Brighton janë klube të tjera të nivelit të lartë që shpresojnë të fitojnë titullin e dytë evropian.
Edhe pse ndeshjet dhe oraret ende nuk janë konfirmuar (ato do të dihen më së voni deri në mëngjesin e së shtunës), një orar për këtë edicion të UEFA Europa League tashmë është caktuar.
Ndeshja e parë e fazës së grupeve fillon më 21 shtator dhe përfundon më 14 dhjetor. Shorti i raundeve të eliminimit do të zhvillohet më 18 dhjetor dhe ndeshjet do të fillojnë më 15 shkurt 2024, raporton Guardian Sport.
Ndeshja 1: 21 shtator
Ndeshja 2: 5 tetor
Ndeshja 3: 26 tetor
Ndeshja 4: 9 nëntor
Ndeshja 5: 30 nëntor
Ndeshja 6: 14 dhjetor
Fituesit e grupeve kalojnë direkt në raundin e 16-të.
Nënkampionët e grupeve kalojnë në fazën play-off të raundit eliminator, ku do të përballen me një nga tetë skuadrat e transferuara nga Liga e Evropës, të cilat kanë përfunduar në vendin e tretë në grupet e tyre.