Presidentja e Republikës së Kosovës, Vjosa Osmani-Sadriu do të vizitojë Shqipërinë të hënën.
Siç raporton euronews.al., Osmani do të pritet me ceremoni shtetërore në ambientet e Presidencës, njëherit, edhe nga presidenti Bajram Begaj.
Sipas mediave shqiptare, tanimë është publikuar edhe agjenda e vizitës së Osmanit në Shqipëri.
10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.
Vijohet me takimin mes dy Presidentëve dhe më pas takimin e zgjeruar mes delegacioneve.
11:40 – 12:05 Konferencë për shtyp e dy presidentëve.
Përgjatë vizitës së saj në Shqipëri, Presidentja Osmani pritet të zhvillojë edhe takime të tjera të nivelit të lartë.
Kjo do të jetë vizita e parë e Presidentës Osmani në Shqipëri, që kur Presidenti Begaj mori detyrën.