Policia e Kosovës ka arrestuar të hënën katër persona në Prizren, pas një operacioni kundër trafikimit me substanca narkotike.
Këtë e ka konfirmuar për Portalin Dukagjini, zëdhënësi i Policisë për Rajonin e Prishtinës, Baki Kelani.
“Sot, në orët e paradites, Policia e Kosovës në bashkëpunim dhe koordinim me organet e drejtësisë, ka realizuar një operacion policor, i cili përfshin katër lokacione në rajonin e Prizrenit. Operacioni policor ka të bëjë me hetimin dhe luftën kundër trafikimit me narkotikë, i cili ka rezultuar me arrestimin e katër personave të dyshuar”, ka thënë Kelani.