Policia e Kosovës ka njoftuar përmes raportit 24-orësh se dy persona kanë pësuar lëndime trupore në një shtëpi në Lipjan, si pasojë e shpërthimit të sistemit të ngrohjes me gaz.
Burrë e grua janë dërguar për tretman mjekësor, teksa në lidhje me këtë rast është shoqëruar në polici një i dyshuar i cili është liruar në procedurë të rregullt.
“Raportohet se në rrethana deri më tani të pa njohura në shtëpinë e viktimës në një fshat në Lipjan kishte shpërthyer sistemi me gaz i ngrohjes. Si pasoj e shpërthimit lëndime trupore kanë pësuar dy viktimat kosovarë (bashkëshortë), të cilët janë dërguar për tretman mjekësor. Njësitë relevante policore dhe prokurori i shtetit kanë dal në vendin e ngjarjes. Një i dyshuar mashkull kosovar është shoqëruar në polici dhe i njëjti pas intervistimit me rekomandim të prokurorit është liruar në procedurë të rregullt. Rasti vazhdon të hetohet nga njësitet kompetente”, thuhet në raport.