Kryetari i Prishtinës, Përparim Rama, të martën ka pritur në takim ministrin e Turizmit të Izraelit, Haim Katz.
Rama ka thënë se në këtë takim kanë biseduar për format e avancimit të bashkëpunimit, në veçanti në fushën e turizmit.
“Biseduam për format e avancimit të bashkëpunimit, në veçanti në fushën e turizmit, të shpeshtojmë vizitat reciproke në shtetet tona dhe forcim të marrëdhënieve”, ka shkruar Rama në Facebook.
Po ashtu, Rama me Katz kanë bërë një shëtitje nëpër kryeqytet duke i prezantuar vendin, kulturën e historinë e vendit, “të cilat i bënë shumë përshtypje mikut nga Izraeli”.